Pétur Jónasson | BRAGI
Bragi, óðfræðivefur

Söfn

Íslenska
Íslenska

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn.

Innskráning ritstjóra

Pétur Jónasson

Fyrsta ljóðlína:Dáðrakka líf, þú ert fagurt og frítt
bls.415
Bragarháttur:Sex línur (þríliður) fer,- þrí- og tvíkvætt aBaBaB
Viðm.ártal:≈ 1875
Tímasetning:1875

Skýringar

Undir heiti ljóðsins stendur: (Sungið við jarðarför hans 1875).
1.
Dáðrakka líf, þú ert fagurt og frítt,
fegurst í þrautum og stríði;
stormskýja-sólskinið birtist þá blítt,
brotnar með þrefaldri prýði,
allt skín í tárum svo himneskt og hlýtt,
>hlær við lýði.
2.
Upp, upp með sólu, og herjum á hel,
hringsveiflum lífsgeislans brandi!
Sveipað er grátskýjum sannleikans hvel,
seinþroska kærleikans andi;
enn liggja þokur og ísmögnuð ég
>yfir landi.
3.
Upp, upp með sólu, og hönd seljum hönd,
hált er á örlaga svelli;
leysum í Guðs nafni bönd eftir bönd,
bíðum ei dáðlausrar elli;
hræðumst ein skammlífið: hetjunnar önd
>heldur velli.