Staðtölur

Vísnavefur Skagfirðinga

Frekari upplýsingar um vísnahöfundana eða tildrög vísna eru vel þegnar. Hægt er að hafa samband við starfsfólk Héraðsskjalasafns Skagfirðinga í netfanginu skjalasafn[hjá]skagafjordur.is.
Meira ...

Kom ég inn á kvennaþing.
Kanna hópinn glaða.
Þær eru orðnar uppfylling
allra móðins blaða.

Allt er málað andlitið.
Engin hrukka á skinni.
Skankar af hári á heljarlið
hanga á guðsmyndinni.

Þið munið finna ástaryl
á æðri manna þingum.
Svona gripir get ég til
geðjist uppskafningum.

Krenkja holdið hvergi má
klæðnaðurinn þykkur.
Landspítalinn lifir á
leifunum af ykkur.

Ó þú silkisokka víf
síst mót gæfu spyrnir.
Grisjuð blússa um brjóst og líf.
Berir handleggirnir.