Ég ætlaði að vera einn í bíl

Ég ætlaði að vera einn í bíl
með Ágústu frá Stað.
En þá kom Óli úr Andakíl
og eyðilagði það.

Ég hélt með Siggu áhrannar slóð
og hennar nærri bað
er kafbátsfjandi að okkur óð
og eyðilagði það.

Við Hafnarfjarðarhraunið grátt
við Hulda settumst að.
En minkar komu úr allri átt
og eyðilögðu það.

Við Tóta vildum teik a vok
við tvö og veistu hvað?
Gekk Eyþórsson í austanrok
og eyðilagði það.