Aldrei hefur Ísagrund

Aldrei hefur Ísagrund
öðlast slíkan sóma.
Að taka á móti tolli af hund
til að standa í blóma.

Ó, þið hundar ættuð því
upphefð launa slíka.
Sómastaðnum sjálfir í
sitja Alþing líka.

Gólið þar og gellið hátt.
Gerið víðfrægt þingið.
Heims í hverja höfuðátt
hrós löggjöfum sungið.

Þið sem hafið hundinn minn
hengt eða frekar skorið,
fylgi ykkur forsmánin
fram á hinsta sporið.