Þorsteinn Þorkelsson Syðra-Hvarfi Svarfaðardal 1831–1906

Barnafræðari, þjóðsagnaritari og sálmaskáldið Þorsteinn Þorkelsson fæddist á Atlastöðum í Svarfaðardal 26. febr. 1831. Hann ólst að mestu upp hjá móðurföður Þorkeli Jörundssyni og konu hans Margréti Þorgrímsdóttur. Þótti bráðþroska og fjörmikið barn og vakti athygli fyrir greindarleg tilsvör og skarpa athyglisgáfu. En um 9 ára aldur veiktist Þorsteinn af beinkröm eða liðagigt og lá rúmfastur í um áratug, fyrst heima og síðar á Akureyri undir læknishendi. Var þá orðinn svo bæklaður að hann varð að dragast áfram á hækjum til æviloka,   MEIRA ↲

Barnafræðari, þjóðsagnaritari og sálmaskáldið Þorsteinn Þorkelsson fæddist á Atlastöðum í Svarfaðardal 26. febr. 1831. Hann ólst að mestu upp hjá móðurföður Þorkeli Jörundssyni og konu hans Margréti Þorgrímsdóttur. Þótti bráðþroska og fjörmikið barn og vakti athygli fyrir greindarleg tilsvör og skarpa athyglisgáfu. En um 9 ára aldur veiktist Þorsteinn af beinkröm eða liðagigt og lá rúmfastur í um áratug, fyrst heima og síðar á Akureyri undir læknishendi. Var þá orðinn svo bæklaður að hann varð að dragast áfram á hækjum til æviloka, enda í daglegu tali manna nefndur Þorsteinn aumingi!
Um tvítugt fær hann vist hjá Friðbirni Steinssyni bóksala á Akureyri í 3-4 ár við bókband
og " bókfræði " nám og var það hans eini skóli. Hefur eflaust haft djúpstæð áhrif á allt hans líf.
Eftir það gerðist hann barnakennari og bókbindari í Höfðahverfi og Látraströnd um árabil.
Heim í dalinn kemur hann um 1874 og tekur virkan þátt í menningarviðburðum, kennir börnum, bindur inn bækur og ritar mikið af þjóðlegum fróðleik, stofnar lestarfélag og gefur því allar bækur sínar, ýtir undir stofnun sparisjóðs, yrkir kvæði og sálma, sem finna má í sálmabókum.
Segja má að Þorsteinn, svo bæklaður sem hann var, hafi verið andlegur leiðtogi sveitar sinnar!
   ↑ MINNA