Þuríður Jónsdóttir frá Hoffelli 1841–1911

Fædd í Kelduholti á Mýrum. Foreldrar: Jón Þorsteinsson bóndi í Kelduholti og kona hans Ingibjörg Þorvarðsdóttir.Vinnukona víða í Austur-Skaftafellssýslu, síðast áratugi í Hoffelli í Nesjum. Sagnakona og fróð um marga hluti, hagmælt og kunni mikið af sálmum og ljóðum, skapstór og óhlífin í orðum ef hún reiddist. Hún var talin skyggn og hræddist ekkert. (Skaftfellskar þjóðsögur og sagnir, bls. 22.)