Austfjarðarþokan

Austfirðingar allra mest
elska þokudaga.
Þykk og grá hún þekur flest
sem þörf er á að laga.

Þokan eflir innsæið
andagift og snilli
ástarlífið, útlitið
og allt svo þar á milli.

Ef í þoku þarftu að ná
þér í einhvern maka
þú munt verða að þreifa á
það mun ekki saka.

Sértu karl í roði rýr
reisn þín eystra hækkar.
Í þoku ertu eins og nýr
því allt um helming stækkar.