Fýsi þig austur ferðir á

Einn af síðustu förumönnum á Suðurlandi var Guðmundur Guðmundsson (f. 30. ágúst 1840, d. 9. október 1928), Skaftfellingur að ætt, einsýnn og af þeim sökum nefndur Guðmundur kíkir. Á ferðum sínum um Flóann kom hann ævinlega við á æskuheimili mínu, Króki í Pörtum í Gaulverjabæjarhreppi, og gisti þar um nætursakir eða í mesta lagi orlofsnæturnar þrjár. Mig minnir að hann hafi komið þar í síðasta sinn 1926 eða 27. Fátt man ég sjálfur af orðræðum hans, en ýmislegt heyrði ég haft eftir honum. Mamma sagði mér að hann hefði   MEIRA ↲

Einn af síðustu förumönnum á Suðurlandi var Guðmundur Guðmundsson (f. 30. ágúst 1840, d. 9. október 1928), Skaftfellingur að ætt, einsýnn og af þeim sökum nefndur Guðmundur kíkir. Á ferðum sínum um Flóann kom hann ævinlega við á æskuheimili mínu, Króki í Pörtum í Gaulverjabæjarhreppi, og gisti þar um nætursakir eða í mesta lagi orlofsnæturnar þrjár. Mig minnir að hann hafi komið þar í síðasta sinn 1926 eða 27. Fátt man ég sjálfur af orðræðum hans, en ýmislegt heyrði ég haft eftir honum. Mamma sagði mér að hann hefði farið með vísu sem var ort um hann, en mér skildist að hann hafi ekki vitað hver orti og ekki veit ég það. En vísuna þykist ég muna. – Þegar að hafa farið með vísuna bætti Guðmundur við: ‘Hann hefur verið skáld, helvítis maðurinn.’ (Orðrétt frásögn Ólafs Halldórssonar)    ↑ MINNA

Vísa um förumanninn Guðmund kíki