Einar Benediktsson 1864–1940
34 LAUSAVÍSUR
Einar var fæddur 31. október 1864 á Elliðavatni í Gullbringusýslu, sonur Benedikts Sveinssonar sýslumanns og konu hans, Katrínar Einarsdóttur frá Reynistað í Skagafirði. Einar óx upp frá 10 ára aldri á Héðinshöfða á Tjörnesi þar sem faðir hans var sýslumaður. Einar varð stúdent frá Lærða skólanum í Reykjavík 1884 og lauk lagaprófi frá Hafnarháskóla 1892. Hann var ritstjóri Dagskrár (1896–1898) en það varð fyrsta dagblað á Íslandi 1897. Einar var sýslumaður Rangæinga 1904–1907. Hann fékk þá lausn frá embætti á eftirlaunum og dvaldi MEIRA ↲
Einar var fæddur 31. október 1864 á Elliðavatni í Gullbringusýslu, sonur Benedikts Sveinssonar sýslumanns og konu hans, Katrínar Einarsdóttur frá Reynistað í Skagafirði. Einar óx upp frá 10 ára aldri á Héðinshöfða á Tjörnesi þar sem faðir hans var sýslumaður. Einar varð stúdent frá Lærða skólanum í Reykjavík 1884 og lauk lagaprófi frá Hafnarháskóla 1892. Hann var ritstjóri Dagskrár (1896–1898) en það varð fyrsta dagblað á Íslandi 1897. Einar var sýslumaður Rangæinga 1904–1907. Hann fékk þá lausn frá embætti á eftirlaunum og dvaldi eftir það lengi erlendis og stundaði fésýslu. Hann hafði meðal annars mikla drauma um virkjun fallvatna á Íslandi og stofnaði í því skyni Fossafélagið Títan með útlendum fjárfestum til að virkja Þjórsá og fleiri vatnsföll sunnanlands. Einar flutti aftur heim til Íslands 1921 og átti heimili í Reykjavík næstu árin en bjó þó langdvölum erlendis, til dæmis í Þýskalandi, á Spáni og í Alsír. Eftir 1932 dvaldi Einar í Herdísarvík í Selvogi þar til hann lést 1940.
Helstu skáldrit Einars eru: Sögur og kvæði 1897 og ljóðabækurnar Hafblik 1906, Hrannir 1913, Vogar 1921, Ólafs ríma Grænlendings 1930 og Hvammar 1930. Þýðing Einars á Pétri Gaut eftir Ibsen kom fyrst út í 30 tölusettum eintökum árið 1901. Heildarútgáfa ljóða Einars, frumkveðinna og þýddra, var gefin út 1945 í þrem bindum, Ljóðmæli I–III. Pétur Sigurðsson sá um útgáfuna en Guðmundur Finnbogason ritaði inngang. ↑ MINNA