Íslandssöngur Norðmanna (Yderst mod Norden)

Í Þjóðólfi 5. maí 1891 (bls. 81) birtir Matthías kvæðið með eftirfarandi skýringum:

Þótt síðasta versið þyki, ef til vill, eiga miður við nú — kvæðið er ort fyrir 1874! — þá álítum vér alveg rangt að sleppa því. Þetta fagra kvæði er þess vel maklegt, að allir Íslendingar kynni það og syngi. Því miður mun skáldið hafa farið alveg á mis í lífi sínu við þakkir eða viðurkenningu af vors lands hálfu fyrir það; en víst ætti það lengi að geyma Munchs minning. Kvæðið er torvelt að þýða sakir þeirrar   MEIRA ↲

Í Þjóðólfi 5. maí 1891 (bls. 81) birtir Matthías kvæðið með eftirfarandi skýringum:

Þótt síðasta versið þyki, ef til vill, eiga miður við nú — kvæðið er ort fyrir 1874! — þá álítum vér alveg rangt að sleppa því. Þetta fagra kvæði er þess vel maklegt, að allir Íslendingar kynni það og syngi. Því miður mun skáldið hafa farið alveg á mis í lífi sínu við þakkir eða viðurkenningu af vors lands hálfu fyrir það; en víst ætti það lengi að geyma Munchs minning. Kvæðið er torvelt að þýða sakir þeirrar skáldlegu og sögulegu angurblíðu, sem þess orð, kveðandi og fallandi, bera með sér.

- Matth. Jochumsson. Neðanmáls í blaðinu segir svo:

Af kvæði þessu voru prentuð 3 fyrstu versin í 14. tbl. Þjóðólfs þ. á., en þar hefur misprentast eitt orð (lífsfræðin fyrir lífsfræin) í 3. versinu, og þá vantaði 4. versið. Danir sleppa því ætið og finnst það því ekki nema í norskum útgáfum. Nýlega hefur þýðandinn sent oss þetta vers til prentunar í blaðinu, og þykir oss þá best eiga við að prenta allt kvæðið í einni heild, þótt 3 versin séu áður komin í 14. tbl.
- Ritstj.

Titill kvæðsins hér á Braga er tekinn úr Þjóðólfi en í ljóðasafni Matthíasar er það einfaldlega undir yfirskriftinni „Ísland“. Texti ljóðasafnins er hins vegar látinn ráða þegar honum ber ekki saman við Þjóðólf.   ↑ MINNA