SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3127)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
GullmuraFyrsta ljóðlína:Eg sá þig á ófrjóvum eyðimel fyrst
Höfundur:Guðmundur Guðmundsson skólaskáld
bls.117–118
Viðm.ártal:≈ 0
Gullmura 1. Eg sá þig á ófrjóvum eyðimel fyrst,þig, indæla blómið mitt smáa! og síðan eg oft hjá þér glaður hef gist og gremjuna' og drungann af sál minni hrist og dvalið und himninum brosandi, bláa við brjóst þín hjá klettinum lága. 2. Þú kinkaðir blómkolli' í bergskoru þar,það blikaði' á gullkrónu þína. Það hrundu' á þig tár mín, er hryggur eg var, — þú hrærðist, er döggin sú vökvun þér bar. Í djásnið þitt greypti eg demanta mína, — sem drottning þú áttir að skína. 3. Eg leitað' úr solli og fann hjá þér frið,eg flutti þér brosandi kvæði. Í skorunni' í klettinum hvíldi' eg á hlið og hjarta mitt skalf, er þig talaði' eg við; og krónan þín drúpti' og við döpruðumst bæði, er dagsólin hné oní græði. 4. Eg minnist þess alltaf, — hvert einasta sinnmeð augun mín fljótandi' í tárum, er sleit eg upp glóandi gulltoppinn þinn í gáleysi' og lagði' hann við hjartastað minn, þess glapræðis hef eg á æfinnar árum oft iðrast með harmtrega sárum. 5. Eg horfði á þig fölva, en hjálp gat ei veitt:eg hafði þig slitið frá rótum Eg sá það, er hneigðir þú höfuðið þreytt, og horfði' á þig deyja', en eg gat ekki neitt! Eg sá, er þú steinliðin félls mér að fótum, — hve fallvalt er allt, sem við njótum! — 6. Í dálitlu blómkeri bjó eg um þigog bar þig í sólgeislann skæra, og társtraumar upphimins opnuðu sig og ætluðu' að lífga þig rétt fyrir mig. En unnt var ei lífið þér framar að færa, þú fölnaða blómið mitt kæra! 7. Og hvert sinn, er glitrandi gullmuran smánú glóir á veginum mínum, eg snerti' hana alls ekki' og sný henni frá og snortinn af ótta og söknuði' og þrá eg hugsa' um, að ást mín í óstjórnleik sínum varð orsök í dauðanum þínum! |