Kveðið eftir utanför Árna Magnússonar (1712)

Hvað er títt? Horfinn friður.
Hvað er ráð? Ger sem áður.
Hvað þá? Hinir æða.
Hví nú? Fækka mínir.
Hvern þreyrðu? Hvarf Árna.
Hans er von? Enn ef stansar.
Hvað er gott? Haltu á flótta.
Hvert á láð? Til Guðs náðar.

Einn em eg. Sigldur er Árni.
Óttar þjóð. Margur hljóðnar.
Vinfátt. Flestir hætta.
Frýs dáð. Prettir lýsast.
Syrg eigi. Sól er á morgun.
Sjá við ugg. Það er huggun.
Gott sé þér, og guð óttast,
geisa þeir af sakleysi.

Hremsa þýtr, ýmsu er otað.
amar lið, ramir niðra,
garmur lætr ormar eitrast,
ýlir refr, grýlur hefjast,
flýgur hrafn, hegri lifnar,
hvín tóa, gín kjói,
gaddur ball, broddur tryllist,
brenni ráð, — enn hef eg náðir.