A 4 - Að syngja fyrir predikun

Sálmurinn er 4 erindi, þýðing á sálmi Lúthers, „Nun bitten wir den heiligen Geist“. Sá sálmur byggir á latnesku versi, leisu, frá 13. öld. Gísli biskup þýðir sálminn úr dönsku. Í dönskum sálmabókum siðbótartímans voru þrjár mismunandi þýðingar þessa sálms og mun Gísli hafa notað þær allar í þýðingu sinni. Guðbrandur birtir þessa þýðingu í Sálmabókinni 1589 og bætir svo við í 2. útgáfu Grallarans 1607 eigin þýðingu við hlið Gísla. Magnús Stephensen endurþýddi sálminn 1801 og hélst sú þýðing sálmsins allt til 1972. Magnús setur viðlagið: Herra, heyr þá bón, í stað kirieleyson. Í Sálmabók 1886 er bætt við þýðingu Helga Hálfdanarsonar við þennan sálm, „Guð helgur andi, heyr oss nú“. Hjá Helga er viðlagið, „Streym þú, líknarlind“. Er hann svo í núgildandi Sálmabók.