Hvöt

Saman, saman tökum taktinn!
taktinn,— það er aflið maktin,
gerir einn af mörgum marga,
mestu gungur hreystivarga,
lífgar dug og léttir þrautir,
lyftir hug og sléttar brautir,
sýnir öllum sama miðið,
sigrar vígið, opnar hliðið.

Saman, saman tökum taktinn!
taktinn,— það er aflið, maktin,
þótt til fylgis fáum tugi,
framtak er ei það svo dugi,
verði talan tífalt meiri,
takast má að sumir heyri,
en ef talan tekur skriðinn
tuttuguföld, má heyra niðinn.

Saman, saman tökum taktinn!
taktinn,— það er aflið maktin.
Ef vér landið enda milli
yngdum upp við taktsins snilli,
norðan frá þeim yztu öngum
út að syðstu Gróttutöngum:
Margt á Fróni mœtti batna,
meinin gróa, bölið sjatna.