A 081 - Postquam resurrexit. Á uppstigningarhátíð herrans Kristi*

„Í öllum sb. er sálmurinn 4 erindi, og er 1. er. þýðing á latínsku erindi, „Postquam resurrexit“, sem fylgir með í sb. 1589 og 1619 og tekið er upp úr sb. HTh. (bl. 96), sem að eins hefir þetta erindi og danska þýðing á því. Þýðandinn hefir þó einnig haft hér til hliðsjónar annan sálm, sem er eftir Hans Thomissön sjálfan, hinn nafnkunna sálmabókarútgefanda (d. 1573), „Jesus Christus er opfaren“ (sb. HTh., bl. 98), og eru þaðan tvær fyrri ljóðlínur 1. er. Úr sama sálmi virðist og tekið 3. og 4. erindi íslenzka sálmsins. En 2. er. „Jesú   MEIRA ↲

„Í öllum sb. er sálmurinn 4 erindi, og er 1. er. þýðing á latínsku erindi, „Postquam resurrexit“, sem fylgir með í sb. 1589 og 1619 og tekið er upp úr sb. HTh. (bl. 96), sem að eins hefir þetta erindi og danska þýðing á því. Þýðandinn hefir þó einnig haft hér til hliðsjónar annan sálm, sem er eftir Hans Thomissön sjálfan, hinn nafnkunna sálmabókarútgefanda (d. 1573), „Jesus Christus er opfaren“ (sb. HTh., bl. 98), og eru þaðan tvær fyrri ljóðlínur 1. er. Úr sama sálmi virðist og tekið 3. og 4. erindi íslenzka sálmsins. En 2. er. „Jesú uppstígandi“ er alveg samhljóða þýska uppstigningarversinu, „Christ fuhr gen Himmel“, sem er í þýzkum sb. á 16. öld og síðar. . .“ Sálmurinn er einnig prentaður í: sb. 1619 (bl. 53), sb. 1671 (bl. 91), sb JÁ 1742 (bls. 171–172), sb. 1746 (bls. 171–172), sb. 1751 (bls. 290–291), s-msb (Prestavilla) 1742 (aðeins fyrsta erindi), grallara 1594 (á uppstigningardag fyrir og eftir predikun) og allir grallarar síðan (aðeins fyrsta erindi). (Sjá PEÓl: „Upptök sálma og sálmalaga í Lútherskum sið á Íslandi.“ Árbók Háskóla Íslands háskólaárið 1923–1924. Fylgirit. Reykjavík 1924, bls. 98–99).   ↑ MINNA