Á 30 ára starfsafmæli ,Fríðu ljósu

Við þakka viljum núna það þrjátíu ára starf,
sem þú vannst fyrir okkur, kæra Fríða.
Feðra vorra hlaustu hetjulund í arf,
og hreinlyndi, sem alla mætti prýða.

Sú liðins tíma minning oss ljúfust ætíð skín
hve lífsins sorgum varstu fljót að dreifa.
Það er ei margra annarra að fara í fötin þín,
þú frjálsmannlega, djarfa, glaða og reifa.

Því fögnum við þér hjartanlega, Fríða mín, í kvöld
og fullin drekkum þér í heiðursskyni.
Þú hefur starfað fyrir okkur þriðja part úr öld
og þú átt nýja og gamla trausta vini.