Jón Þorfinnsson 1884–1960

Jón hét fullu nafni Jón Jóhann. Hann var fæddur 28. október 1884 á Reynistað í Skagafirði, sonur hjónanna Þóru Jónsdóttur og Þorfinns Þorfinnssonar. Jón ólst upp hjá foreldrum sínum á Geitagerði hjá Reynisstað en þar bjuggu þau 1887 til 1898 en fóru síðan í húsmennsku að Gili í Borgarsveit. Síðan var hann tvö ár léttadrengur á Kimbastöðum 1898-–1900 í Skarðshreppi. Þá var hann í tvö ár hjá foreldrum sínum í Ytri Vík í  Staðarhreppi og síðan var hann á Sauðárkróki 1902–1905 og stundaði þar einkum   MEIRA ↲

Jón hét fullu nafni Jón Jóhann. Hann var fæddur 28. október 1884 á Reynistað í Skagafirði, sonur hjónanna Þóru Jónsdóttur og Þorfinns Þorfinnssonar. Jón ólst upp hjá foreldrum sínum á Geitagerði hjá Reynisstað en þar bjuggu þau 1887 til 1898 en fóru síðan í húsmennsku að Gili í Borgarsveit. Síðan var hann tvö ár léttadrengur á Kimbastöðum 1898-–1900 í Skarðshreppi. Þá var hann í tvö ár hjá foreldrum sínum í Ytri Vík í  Staðarhreppi og síðan var hann á Sauðárkróki 1902–1905 og stundaði þar einkum sjóróðra. Þá gerðist hann vinnumaður í Þverárdal í Húnaþingi næstu fjögur árin. Á þeim tíma kynntist hann Guðrúnu Árnadóttur frá Lundi í Stíflu, sem þá var eldhússtúlka hjá Popp kaupmanni  á Sauðárkróki og giftust þau árið 1910. Guðrún varð síðar eihver vinsælasti rithöfundur þjóðarinnar. Þau bjuggu fyrstu þrjú árin í húsmennsku í Bólstaðarhlíð í Húnaþingi og fluttu svo í Þverárdal og bjuggu þar á parti hans í tvö ár. Þá fluttu þau aftur í Skagafjörðinn og bjuggu fyrst á Valabjörgum í Skörðum 1915–1922. Síðan fluttu þau að Ytra Mallandi á Skaga og bjuggu þar frá 1922 til 1938 nema hvað þau héldu til á Neðra-Nesi 1930–1932 en nytjuðu samt Ytra -Malland á meðan. Árið 1938 brugðu þau búi og fluttu til Sauðárkróks og fékkst Jón þar einkum við smíðar. Jón dó 20. desember 1960.
(Sjá einkum: Skagfirskar æviskrár - Tímabilið 1910–1950 II. Sögufélag Skagfirðinga Sauðárkróki 1996, bls.185–188).
   ↑ MINNA