Guðmundur Jónsson (f. um 1764)

Guðmundur Jónsson var skagfirskur að ætt og hefur trúlega verið alinn upp á Skaga. Föðurafi hans er talinn Jón Jónsson bóndi á Skúfstöðum í Hjaltadal. Guðmundur hóf búskap á Syðra-Hóli í Húnavatnssýslu vorið 1792. Bústýra hans var Guðrún Gunnarsdóttir frá Svansgrund og var hún tveim árum yngri. Gengu þau í hjónaband þá um sumarið. Voru þau hjón bæði ágætlega gefin og hagmælt. Þau bjuggu síðan 13 ár á Syðra-Hóli og síðar nokkur ár (6 –7) á Hafursstöðum. Þau áttu saman átta börn, þrjá syni og fimm dætur. Meðal þeirra var   MEIRA ↲

Guðmundur Jónsson var skagfirskur að ætt og hefur trúlega verið alinn upp á Skaga. Föðurafi hans er talinn Jón Jónsson bóndi á Skúfstöðum í Hjaltadal. Guðmundur hóf búskap á Syðra-Hóli í Húnavatnssýslu vorið 1792. Bústýra hans var Guðrún Gunnarsdóttir frá Svansgrund og var hún tveim árum yngri. Gengu þau í hjónaband þá um sumarið. Voru þau hjón bæði ágætlega gefin og hagmælt. Þau bjuggu síðan 13 ár á Syðra-Hóli og síðar nokkur ár (6 –7) á Hafursstöðum. Þau áttu saman átta börn, þrjá syni og fimm dætur. Meðal þeirra var Sigurður, síðar bóndi á Heiði í Gönguskörðum. Þau hjón hættu búskap og slitu samvistum. Fór Guðrún í húsmennsku með dætur sínar tvær en Guðmundur í vinnumennsku. Hann fór svo til Sigurðar sonar síns að Heiði og mun hafa dáið þar. (Heimild: Magnús Björnsson á Syðra-Hóli: Feðraspor og fjörusprek, bls. 139–143).   ↑ MINNA