Snorri Björnsson, Húsafelli 1710–1803

Prestur í Húsafelli í Borgarfirði. Þekktur af sögum fyrir kunnáttu og karlmennsku. Foreldrar Snorra voru Björn Þorsteinsson bóndi í Höfn í Melasveit og kona hans Guðrún Þorbjarnardóttir frá Birtingarholti en móðir  hennar var Steinunn Finnsdóttir skáldkona, sem orti Hindlurímur og Snækóngsrímur. Snorri  varð stúdent úr Skálholtsskóla 1733. Hann tók við prestskap á Stað í Aðalvík 1741 og varð síðan prestur á Húsafelli í Borgarfirði 1757 og þjónaði þar til ársins 1796. 
   Snorri orti talsvert, einkum þó á seinni   MEIRA ↲

Prestur í Húsafelli í Borgarfirði. Þekktur af sögum fyrir kunnáttu og karlmennsku. Foreldrar Snorra voru Björn Þorsteinsson bóndi í Höfn í Melasveit og kona hans Guðrún Þorbjarnardóttir frá Birtingarholti en móðir  hennar var Steinunn Finnsdóttir skáldkona, sem orti Hindlurímur og Snækóngsrímur. Snorri  varð stúdent úr Skálholtsskóla 1733. Hann tók við prestskap á Stað í Aðalvík 1741 og varð síðan prestur á Húsafelli í Borgarfirði 1757 og þjónaði þar til ársins 1796. 
   Snorri orti talsvert, einkum þó á seinni árum, og hafa verið gefnir út eftir hann eftirtaldir rímnaflokkar: Rímur af Sigurði Snarfara 1779, Ríma af Þorsteini Austfirðingi 1781, Jóhönnuraunir 1784 og Rímur af Arnljóti Upplendingakappa 1833. Þá orti hann einnig Rímur af Hálfdani Brönufóstra en þær hafa ekki verið prentaðar.
   ↑ MINNA