Einar Sigurðsson í Eydölum 1539–1626

Einar var fæddur á Hrauni í Aðalreykjadal, sonur séra Sigurðar Þorsteinssonar og konu hans, Guðrúnar Finnbogadóttur. Einar var ungur settur til náms hjá Birni Gíslasyni sem þá hélt Möðruvallaklaustur. Síðan nam hann í Hólaskóla og lauk þaðan prófi 1557. Hann varð því næst aðstoðarprestur séra Björns á Möðruvöllum og síðan prestur í Mývatnsþingum og þar á eftir í Nesi í Aðalreykjadal. Fyrri kona Einars var Margrét Helgadóttir. Einar missti hana eftir tíu ára sambúð. Þau eignuðust átta börn en aðeins þrjú þeirra lifðu. Elstur þeirra   MEIRA ↲

Einar var fæddur á Hrauni í Aðalreykjadal, sonur séra Sigurðar Þorsteinssonar og konu hans, Guðrúnar Finnbogadóttur. Einar var ungur settur til náms hjá Birni Gíslasyni sem þá hélt Möðruvallaklaustur. Síðan nam hann í Hólaskóla og lauk þaðan prófi 1557. Hann varð því næst aðstoðarprestur séra Björns á Möðruvöllum og síðan prestur í Mývatnsþingum og þar á eftir í Nesi í Aðalreykjadal. Fyrri kona Einars var Margrét Helgadóttir. Einar missti hana eftir tíu ára sambúð. Þau eignuðust átta börn en aðeins þrjú þeirra lifðu. Elstur þeirra var Oddur, síðar biskup. Seinni kona Einars var Ólöf Þorsteinsdóttir. Meðal barna þeirra voru séra Ólafur skáld í Kirkjubæ í Hróarstungu og Guðrún, móðir Bjarna skálds Gissurarsonar í Þingmúla. Eftir að Oddur, sonur Einars, var kjörinn biskup í Skálholti 1588, má segja að Einari hafi gengið allt í haginn. Hann varð fljótlega eftir það prestur í Eydölum í Breiðdal og þar dó hann 15. júlí 1626. Eftir Einar er varðveitt meira af frumsömdum skáldskap en nokkurn annan Íslending fram að þeim tíma. Hann var höfuðskáld Vísnabókar Guðbrands 1612 og er fyrri hluti hennar að miklu leyti eftir hann.   ↑ MINNA