Benedikt Magnússon Bech 1674–1719
TVÖ LJÓÐ
Benedikt Magnússon Bech, sýslumaður og skáld, var fæddur að Kvíabekk í Ólafsfirði. Hann útskrifaðist úr Hólaskóla 1694 og stundaði nám við Hafnarháskóla 1694–1696 og 1698–1699. Hann varð djákn að Möðruvallaklaustri en missti það starf vegna barneignar með giftri konu 1703. Benedikt varð umboðsmaður Lárusar Scheving sýslumanns í Vaðlaþingi 1707 og var sýslumaður í Hegranesþingi 1708–1715, að hann sleppti því að hálfu. Hann var um tíma ráðsmaður á Hólum og bjó þar, en síðar að Sjávarborg. Benedikt drukknaði í Héraðsvötnum 1719. MEIRA ↲
Benedikt Magnússon Bech, sýslumaður og skáld, var fæddur að Kvíabekk í Ólafsfirði. Hann útskrifaðist úr Hólaskóla 1694 og stundaði nám við Hafnarháskóla 1694–1696 og 1698–1699. Hann varð djákn að Möðruvallaklaustri en missti það starf vegna barneignar með giftri konu 1703. Benedikt varð umboðsmaður Lárusar Scheving sýslumanns í Vaðlaþingi 1707 og var sýslumaður í Hegranesþingi 1708–1715, að hann sleppti því að hálfu. Hann var um tíma ráðsmaður á Hólum og bjó þar, en síðar að Sjávarborg. Benedikt drukknaði í Héraðsvötnum 1719. Benedikt var glæsimenni, hugvitssamur og margfróður. Hann var skáldmæltur og liggur nokkuð eftir hann af kveðskap í handritum, einkum sálmum og sálmaflokkum, til dæmis Andleg vikuharpa og Morgun- og kvöldkveðjur Josuæ Stegmanns í söngvísur snúnar. Orti einnig á latínu. Af veraldlegum kvæðum hans er Ljúflingur hvað þekktast, einkum fyrir efni fremur en mikinn skáldskap. Kvæðið er ort gegn sagnakvæðinu Kötludraumi. Sálmar hans, Það andlega tvípartaða bænareykelsi, út af Þórðarbænum, voru margoft prentaðir. Til er í eiginhandarriti Benedikts kvæðasafn sem hann dró saman og kallaði Lystiháf (Lbs 2676 4to). Í því eru sálmar og kvæði eftir ýmsa og sumt eftir sjálfan hann. Prentað hefur verið eftir Benedikt: Það andlega tvípartaða bænareykelsi, 1723, 1731 og 1740, en eftir það prentað aftan við Þórðarbænir; Kvæðiskorn til gamans og Annað snoturt kvæði, prentað í Blöndu IV, 1928-1931. (Sjá Íslenzkar æviskrár I, 1948; Jón Marinó Samsonarson, Frejas psalter, 1997; Páll Eggert Ólason, Saga Íslendinga 6, 1943; Gísli Sigurðsson, Gripla IX, 1995). ↑ MINNA