Gísli Konráðsson 1787–1877

Gísli var fæddur á Völlum í Hólmi í Skagafirði, sonur Konráðs Gíslasonar hreppstjóra á Völlum og þriðju konu hans, Jófríðar Björnsdóttur. Árið 1807 kvæntist hann Efemíu BenediktsdótturÞau og bjuggu þau hjón á Löngumýri í Vallhólmi 1808–1817, Húsabakka í Vallhólmi 1817–1820 og á Ytra-Skörðugili á Langholti 1820–1837.  
   Þau hjón áttu saman níu börn og var þá eins og geta má nærri stundum þröngt í búi. Gísli vann því mikið utan   MEIRA ↲

Gísli var fæddur á Völlum í Hólmi í Skagafirði, sonur Konráðs Gíslasonar hreppstjóra á Völlum og þriðju konu hans, Jófríðar Björnsdóttur. Árið 1807 kvæntist hann Efemíu BenediktsdótturÞau og bjuggu þau hjón á Löngumýri í Vallhólmi 1808–1817, Húsabakka í Vallhólmi 1817–1820 og á Ytra-Skörðugili á Langholti 1820–1837.  
   Þau hjón áttu saman níu börn og var þá eins og geta má nærri stundum þröngt í búi. Gísli vann því mikið utan heimilis og reri  árum saman á vetrarvertíðum suður á Álftanesi og nokkur vor stundaði hann einnig flekaveiðar við Drangey. 
   Gísli hætti búskap 1837 og fóru þau hjón þá til dóttur sinnar á Syðra-Skörðugili og voru þar næstu þrjú ár en fóru þá aftur að búa á Húsabakka í félagi við dóttur sína og tengdason.
   Gísli var afar bókhneigður og skrifaði upp fjölda handrita fyrir sjálfan sig og aðra. Mest er þó vert um allan þann fróðleik sem hann dró að sér og skrifaði í sagnaþáttum sínum. Hafa fáir menn á 19. öld skrifað jafnmikið og bjargað frá gleymsku. Sjálfur orti hann talsvert og skrifaði vinum sínum og kunningjum fjölda ljóðabréfa, til dæmis Sigurði Breiðfjörð og Tómasi Tómassyni vini sínum á Hvalnesi á Skaga. Þá orti hann Andrarímur í félagi við Hannes prest Bjarnason á Ríp í Hegranesi og komu þær út árið 1834. Var það eina bók Gísla sem út kom að honum lifandi. Síðan hafa mörg verka hans verið gefin út. Meðal annars Ævisaga hans og Húnvetningasaga.  Efemía, kona Gísla, dó vorið 1846. Á efri árum fluttist Gísli svo til Flateyjar á Breiðafirði þar sem hann gekk að eiga síðari konu sína, Guðrúnu Arnfinnsdóttur, 31. október 1851. Áttu þau saman einn son, Brynleif. Guðrún dó eftir skamma sambúð og sonur þeirra skömmu síðar. Í Flatey vann Gísli að skriftum á vegum Framfarafélags Flateyinga. Skyldi félagið sjá honum fyrir húsnæði og nauðþurftum en fá í staðinn rit hans öll að honum látnum. (Æfisaga Gísla Konráðssonar ens fróða skrásett af sjálfum honum. Sögufélag gaf út. Reykjavík 1911–1914)

   ↑ MINNA