SöfnÍslenskaÍslenska |
Flokkar
Allt (334)
Afmæliskvæði (25)
Ástarljóð (4)
Baráttukvæði (1)
Bæjavísur (6)
Bænir og vers (5)
Daglegt amstur (21)
Eftirmæli (2)
Ellikvæði (2)
Formannavísur (4)
Gamankvæði (24)
Hátíðaljóð (6)
Heilræði (5)
Heimsádeilur (2)
Helgikvæði (1)
Hyllingarkvæði (29)
Jólaljóð (20)
Lífsspeki (14)
Ljóðabréf (10)
Náttúruljóð (49)
Sagnakvæði (1)
Sálmar (1)
Skáldsþankar (55)
Særingar (1)
Tíðavísur (17)
Tregaljóð (8)
Vögguljóð (1)
Þululjóð (6)
Ættjarðarkvæði (9)
Ævikvæði (1)
Afmæliskveðja til Snorra SigfússonarFyrsta ljóðlína:Lúta nú í lotning
Höfundur:Haraldur Zophoníasson frá Jaðri
Heimild:Tíminn dagblað. bls.7. okt. 1964 228. tbl. bls. 8
Viðm.ártal:≈ 1975
Tímasetning:1964
Skýringar
Kvæðið ort í tilefni af áttræðisafmæli Snorra Sigfússonar, með kveðjum frá sveitungum hans.
Lúta nú í lotning
ljúfar dísir svipúðgum Svarfdælingi, flytja fegurstu fyrirbænir og biðja blessunar barnavini. Brosbjartur og brátiginn í heiðurshásæti á heilladegi situr nú sannur sæmdarmaður, aldinn að árum en ungur þó. Ungur ég segi, því andinn framsækni vakir víðskyggn enn og velsjáandi allt er til úrbóta og auðnu stefnir lýð og landi og líf bætir. Langt er nú síðan þú lékst þér frændi á gömlu Grund við „gilið“ djúpa, þar sem „lækurinn“ landi spillti garða braut og grónar lendur. Sýndir þú Snorri snemma að værir fallinn til forustu framar öðrum. Voru framsýni og fyrirhyggja, orð og athafnir einkennandi. Á Tjörn og Völlum, með traustum hjúum, einnig á háum Hólastóli vel og vandlega fyrir verkum sagðir, réttsýnn, röggsamur í ráðsmannsstöðu. Óx þér árla útþrá í brjóst, ötull, áræðinn og ýturhygginn vildir af víðri veröld líta annað og meira en allur fjöldinn. Hleyptir heimdraga frá hrímlandsströnd í söngvinahópi yfir sollinn mar. Fögur ljóð og lög léku á tungu. Gerðir frægðarför til frænda vorra. Settist síðar með sömu frændum skarpur á skólabekk, skjótur til náms. Vizku og vísdóm í veganesti fluttir heim aftur til fósturjarðar. Byrjaðir að bragði börn og ungmenni upp að fræða til orðs og gerða. Þegna þjóðar til þroska að leiða gerðir að alhliða ævistarfi. Fjölvís þér forlög fyrr á ævi vísuðu veg til Vestfjarða. Varst ótrauður um árabil fræðari og forsjá Flateyringa. Réðstu í móti og reifst niður heimsku, fordóma og hindurvitni. Hefur ætíð og ævinlega miðlað málum til mannheilla. Mannræktarmaður menntaslyngur, þín fræðslustörf frjó og göfug í nútíð og framtíð með niðjum þjóðar um Ísland endilangt ávöxt bera. Þakkar þjóðin öll á þessum degi skýrum, skeleggum skólamanni. sendir þér Snorri sínar bestu ástarkveðjur þín ættarbyggð. Er nú á nírætt djúp nökkva þínum gunnreifur hrindir, hin góðu regin standi við stjórnvöl og stýri fleyi heilu í höfn til hinztu varar. Veit ég, þér veita hin vísu goð: að andskyggn áfram í öðru lífi sæll að eilífu sitja megir við Mímisbrunn menntafræða. |