Ég hef kynnst við trega og tál

Vísan birtist fyrst á prenti árið 1924 í litlu kveri eftir Gísla Ólafsson frá Eiríksstöðum sem nefndist Nokkrar stökur. Síðan birtist vísan í Stuðlamálum 1927 og er þar eignuð Bjarna. Er hún þar fyrsta vísa í ljóðinu „Ljósblik“ sem í eru fjórar vísur en hún hefur lengst af lifað sem sjálfstæð lausavísa. Hefur Hannes Pétursson fært að því rök að í Stuðlamálum sé hún rétt feðruð (sjá Hannes Pétursson: „Vísnamál“. Safnamál, 8. árgangur 1984, bls. 6–7).