Skagfirskar vísur

Skagfirskar vísur

Dæmið þér ekki dauða Grím.
Drottinn mun á æðri þingum
vorrar ferðar hrista hrím
af honum bæði og Skagfirðingum.

Góðmennið þótt gerði Briem
gegna laga tilbendingum,
ekkert sýndi stygða stím
stýrir dóms hjá Skagfirðingum.

Á það bendir alda rím,
örlaganna teiknað hringum,
að brothættur var leir og lím
líkt í Grími og Skagfirðingum.

Ættblendinga eðlis slím
ollað gat í fjörs hræringum,
að plagaði sálar giktin Grím
með gæfulausum verkjarstingum.

Byrgi þokan gleymsku Grím
Guð oss veiti Íslendingum,
að vort laga-stjórnar stím
stöðvi sig á frelsis þingum.