Gísli Konráðsson 1787–1877
116 LAUSAVÍSUR
Gísli var fæddur á Völlum í Hólmi í Skagafirði, sonur Konráðs Gíslasonar hreppstjóra á Völlum og þriðju konu hans, Jófríðar Björnsdóttur. Árið 1807 kvæntist hann Efemíu Benediktsdóttur og áttu þau saman níu börn. Gísli var lengst af fátækur bóndi í Skagafirði og stundaði framan af sjóróðra af Suðurnesjum. Hann var bókhneigður og skrifaði upp fjölda handrita fyrir sjálfan sig og aðra. Mest er þó vert um allan þann fróðleik sem hann dró að sér og bjó form í sagnaþáttum sínum. Hafa fáir menn á 19. öld skrifað jafnmikið og bjargað MEIRA ↲
Gísli var fæddur á Völlum í Hólmi í Skagafirði, sonur Konráðs Gíslasonar hreppstjóra á Völlum og þriðju konu hans, Jófríðar Björnsdóttur. Árið 1807 kvæntist hann Efemíu Benediktsdóttur og áttu þau saman níu börn. Gísli var lengst af fátækur bóndi í Skagafirði og stundaði framan af sjóróðra af Suðurnesjum. Hann var bókhneigður og skrifaði upp fjölda handrita fyrir sjálfan sig og aðra. Mest er þó vert um allan þann fróðleik sem hann dró að sér og bjó form í sagnaþáttum sínum. Hafa fáir menn á 19. öld skrifað jafnmikið og bjargað frá gleymsku og Gísli Konráðsson. Efemía, kona Gísla, dó vorið 1846. Á efri árum fluttist Gísli til Flateyjar á Breiðafirði þar sem hann gekk að eiga síðari konu sína, Guðrúnu Arnfinnsdóttur. Áttu þau saman einn son. Guðrún dó eftir skamma sambúð og sonur þeirra skömmu síðar. Í Flatey vann Gísli að skriftum á vegum Framfarafélags Flateyinga. Skyldi félagið sjá honum fyrir húsnæði og nauðþurftum en fá í staðinn rit hans öll að honum látnum. (Æfisaga Gísla Konráðssonar ens fróða skrásett af sjálfum honum. Sögufélag gaf út. Reykjavík 1911–1914) ↑ MINNA