Kvöldsálmur (Nú hvílast grundir grænar) * | BRAGI
Bragi, óðfræðivefur

Söfn

Íslenska
Íslenska

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn.

Innskráning ritstjóra

Kvöldsálmur (Nú hvílast grundir grænar) *

Fyrsta ljóðlína:Nú hvílast grundir grænar etc
Höfundur:Gunnar Pálsson
bls.159-162
Viðm.ártal:≈ 0
Tón: Dags vöku er enn nú endi etc.

1.
Nú hvílast grundir grænar,
grösin og merkur vænar.
Hvör maður þiggur hvíld og ró,
sem herrans náð af miskunn bjó.
Kyrieleison.
2.
Enn þú, mín önd og tunga,
aflyftum holdsins þunga.
Drottins framsegja dýrð eg vil.
Drottinn gefi mér náð þar til.
Kyrieleison.
3.
Hvar er nú sólin hreina?
Henni vill nóttin leyna.
Ljóss og myrkurs það eðli er,
að annað rekur hitt frá sér.
Kyrieleison.
4.
Far vel, þú landa ljómi,
lýsir mér æðri blómi.
Réttlætis sólin sæl og hrein,
er sorgandi hjörtun gleður ein.
Kyrieleison.
5.
Sjá þú, dagsljósið dvínar,
dýrðlegar stjörnur skína:
So mun eg lýsa og ljóma þá,
er leysast nái héðan frá.
Kyrieleison.
6.
Líkaminn hvíld vill hreppa
og hafnarklæðum sleppa,
dauðans þá minning hef eg hér
á hvörju kvöldi fyrir mér.
Kyrieleison.
7.
Holdlegt tjaldbúðarhreysi,
héðan þá burt eg reisi,
afleggja mun, en öðlast þá
eilíft dýrðarskart himnum á.
Kyrieleison.
8.
Mitt höfuð, hendur, fætur
herrann nú gleðjast lætur,
að dagsins mæða öll er frá, -
eins gleðst mín sál við frelsun þá.
Kyrieleison.
9.
Leggist bein lúin niður,
lénar hvíld sængin yður.
Sú mun snart koma sælutíð,
að svefnró gefst í moldu blíð.
Kyrieleison.
10.
Svefninn á augun sígur,
saman hvört þeirra hnígur.
Hvar mun þá gefast forsjón fríð
fyrir mér þessa næturtíð?
Kyrieleison.
11.
Ó! guð, umsorgun mína
eg fel í vöktun þína.
Frá öllum háska vernda vel,
er vakandi geymir Ísrael.
Kyrieleison.
12.
Ó! Jesú, umsjón þína
yfirbreið sálu mína.
Sem ómáttugur ungi þinn
í þitt náðarskjól flý eg inn.
Kyrieleison.
13.
Þó Satan* hart á herji,
helgur þinn engill verji.
Almáttugt verndarorðið þitt
ósigrandi sé vígið mitt.
Kyrieleison.
14.
Vinir og vandabundnir,
í vernd guðs allar stundir
sofið nú vært, en vaki um kring
voldug hans engla herfylking.
Kyrieleison.
15.
Guð gefi oss góðar nætur.
Guð hjálpi oss vel á fætur
í nafni föðurs og sonar
og anda guðdóms hátignar.
Kyrieleison.

13.1 Sathan, hdr.