Ég vil segja ykkur frá því

Ég vil segja ykkur frá því:
í borginni bjó ég við götu eina
hún var nefnd eftir höfuðsmanni
og í þessari götu var manngrúi,
skóbúðir, vínsölur og
sölubásar með urmul af skrautsteinum.
Ekki varð þverfótað fyrir öllu því fólki
sem borðaði, spýtti eða dró andann,
keypti eða seldi föt.
Af öllu stóð ljómi
allt logaði
og var einn hljómur
sem blindaði mann og slævði hlustirnar.
Langt er nú liðið síðan þessi gata var og hét
langt síðan ég hef nokkuð heyrt.
Háttum mínum hef ég breytt, nú lifi ég meðal steina
og gjálfrandi vatns.
Ef til vill dó þessi gata
eðlilegum dauðdaga.