Esjan og kvinnurnar

Hér er birt fyrsta prentun ljóðsins úr Spaks manns spjörum og 1917. Ljóðið var svo aftur prentað í Hvítum hröfnum 1922. Þar er vikið til fyrstu ljóðlínu (engilfögur > yndisfögur) og svo er einnig í Eddu Þórbergs. Í Hvítum hröfnum er ljóðið sagt ort 1917 en það leiðréttir Þórbergur í Eddu sinni, þar sem hann rekur tilurð kvæðisins rækilega og vísar þar meðal annars til dagbókar sinnar þar sem fram kemur að kvæðið hafi verið ort „mánudaginn 27. september 1915 í herberginu á miðhæðinni á Norðurstíg 7.“ (Sjá Edda Þórbergs Þórðarsonar. Bókaútgáfan Heimskringla. Reykjavík 1941, bls. 82–85)