Biskupsvígsla á Hólum 2b

Oss langar til lífsins „Hóla,“
oss langar til sólna sóla, 
oss langar i líf og hrós! 
Oss langar að fæðast, fræðast, 
og frelsarans ímynd klæðast, 
oss langar í „meira ljós.“ 
Guðs andi, Guðs andi, 
þú eilífi sannleikans andi, 
oss langar í „meira ljós“! 

Vér stöndum á stöðvum Hóla; 
hér streymdu frá Guðbrands-skóla. 
guðs ljós, þegar landið svaf, 
og héðan með biskupsblóði 
úr benjum um ísland flóði, 
það líf, er hann lýðnum gaf. 
Til hæða, til hæða! 
þú höfundur lifandi gæða, 
vér eygjum þitt algæsku-haf!