Bragi, óðfræðivefur
SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3127)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
Passíusálmar 30Um Kristí krossburðBálkur:Passíusálmar
Fyrsta ljóðlína:Stríðsmenn Krist úr kápunni færðu
Höfundur:Hallgrímur Pétursson
bls.30r–31r
Viðm.ártal:≈ 1650
Tímasetning:1659
Flokkur:Sálmar
Skýringar
Tón: Tunga mín af hjarta hljóði
1. Stríðsmenn Krist úr kápunni færðuog klæddu hann sínum búning í. Sollnar undir sárt við hrærðu; þær sviðu og blæddu upp á ný. Á blessuðu sínu baki særðu hann bar sinn kross og mæddist því.
2. Skeði so á samri stundu,Símon nokkurn bar þar að, framandi maður er gekk um grundu, gripu Júðar þann í stað, krossinum á hans herðar hrundu en hann gekkst nauðugur undir það.
3. Þeir sem, sál mín, syndir drýgjasamviskunni þvert á mót, undir drottins endurnýja ef ekki gjöra á löstum bót. Við skulum frá þeim flokki flýja og fyrirgefningar biðja af rót.
4. Upp á heimsins óþakklætier hér dæmi ljóst til sanns. Margan læknaði son Guðs sæti sjúkan meðal almúgans. Nú var ei neinn sá bölið bæti og bæri með honum krossinn hans.
5. Símon bæði og syni hans báðasjálf hér nefnir historían, því guðhræddur skal njóta náða og niðjar margir eftir hann. Miskunnsemd við menn fáráða minnast Guð og launa kann.
6. Framandi maður mætti Kristi,með honum bar hans þunga kross. Hér má finna, hvörn það lysti, hreina þýðing upp á oss: Gyðingafólk þá Guðs náð missti, gafst heiðingjum dýrðarhnoss.
7. Syndaundir ýfast mínaroft á hvörri stundu nær, samviskunnar sár ei dvínar, sviðameinið illa grær. Blessaðar, Jesú, benjar þínar bið eg mýki og lækni þær.
8. Þessi krossins þunga byrðiþér var, drottinn, lögð á bak, so fyrirmyndan fylld sú yrði þá fórnarviðinn bar Ísak. Sá þinn gangur sorga stirði af sálu minni tók ómak.
9. Minnist eg á þjáning þína.Þig sú mæddi byrðin stríð. Sannlega fyrir sálu mína soddan leið þín gæskan blíð. Vegna þess mér virstu að sýna vorkunnsemi nær eg líð.
10. Hold er tregt, minn herra mildi,í hörmungunum að fylgja þér. Þó eg feginn feta vildi fótspor þín, sem skyldugt er, viljinn minn er í veiku gildi, þú verður því að hjálpa mér.
11. Elskugeð so þitt eg þekki,þjáðum viltu sýna lið. Láttu mig, drottinn, einan ekki í ánauð minni, og þess eg bið, nafnið mitt, þó nauðir hnekki, náð þín blessuð kannist við.
12. Komir þú undir krossinn stranga,kristin sála, gæt þess hér, ef holdið tekur að mögla og manga, minnstu hvör þín skylda er. Láttu sem þú sjáir ganga sjálfan Jesúm undan þér.
13. Undir krossi illvirkjannaaldrei hér þig finna lát. Varast glæpi vondra manna, á verkum þínum hafðu gát. Iðkaðu bæn og iðrun sanna, elska gjarnan hóf og mát.
14. Hafðu, Jesú, mig í minni,mæðu og dauðans hrelling stytt. Börn mín hjá þér forsjón finni, frá þeim öllum vanda hritt. Láttu standa á lífsbók þinni líka þeirra nafn sem mitt. Athugagreinar
Amen
(Sjá Passíusálmar 1996, bls. 134–139) |
