A 04 - Þenna sálm má syngja fyrir messuupphaf, De profundis

Sálmurinn er þýðing á sálmi Marteins Lúthers, Aus tiefer Not schrei ich zu dir, og er ortur út frá 130. Davíðssálmi, De Profundis eftir upphafsorðum í latnesku þýðingunni. Úr djúpinu (ákalla ég þig). Birtist hann í sálmakveri Lúthers 1524, Átta sálma bókinni svo nefndu, og varð þegar feykivinsæll. Sálmurinn er fyrstur margra sálma sem Lúther orti út frá Davíðssálmunum. Hann hvatti önnur skáld til að fylgja því fordæmi og urðu margir til þess. Sálmurinn var þýddur á dönsku og er í Den Nye Salmebog frá   MEIRA ↲

Sálmurinn er þýðing á sálmi Marteins Lúthers, Aus tiefer Not schrei ich zu dir, og er ortur út frá 130. Davíðssálmi, De Profundis eftir upphafsorðum í latnesku þýðingunni. Úr djúpinu (ákalla ég þig). Birtist hann í sálmakveri Lúthers 1524, Átta sálma bókinni svo nefndu, og varð þegar feykivinsæll. Sálmurinn er fyrstur margra sálma sem Lúther orti út frá Davíðssálmunum. Hann hvatti önnur skáld til að fylgja því fordæmi og urðu margir til þess. Sálmurinn var þýddur á dönsku og er í Den Nye Salmebog frá 1535. Guðbrandur birtir þýðingu Marteins biskups í Sálmabók 1589 (nr. 182) en er jafnframt með aðra þýðingu: Af djúpri hryggð ákalla ég þig (nr.181). Eins er í Graduale 1594. Í Sálmabók Guðbrands 1589 hafa verið leiðréttar augljósar prentvillur í þýðingu Marteins. Í Graduale 1594 og í messusöngsbókum síðan er sálmurinn tilgreindur sem upphafssálmur 1. sunnudags í föstu. Hann helst í Sálmabók 1801, var ekki tekinn með 1871 en kemur aftur 1886 í þýðingu Helga lektors Hálfdánarsonar, Úr hryggðardjúpi hátt til þín, og þannig er hann í Sálmabók 1945 og 1972. Hann er nr. 686 í Sálmabók 2022.