Jón Oddson Hjaltalín 1749–1835

Jón var fæddur í Kálfakoti í Mosfellssveit, sonur Odds Hjaltalíns lögréttumanns í Kjalarnesþingi og konu hans, Oddnýjar Erlendsdóttur. Jón ólst upp hjá foreldrum sínum uns hann var kominn á tíunda ár. Þá var hann tekinn í fóstur hjá föðurbróður sínum, Níelsi Hjaltalín lögréttumanni og hafnsögumanni á Hlíðarhúsum í Reykjavík.  
   Jón lærði í Skálholtsskóla og útskrifaðist úr honum 1772.
Hann var prestur víða, fyrst á Hálsi í Hamarsfirði 1777–1780, og síðan á Kálfafelli á Síðu. Þar voru hlunnindi mikil og   MEIRA ↲

Jón var fæddur í Kálfakoti í Mosfellssveit, sonur Odds Hjaltalíns lögréttumanns í Kjalarnesþingi og konu hans, Oddnýjar Erlendsdóttur. Jón ólst upp hjá foreldrum sínum uns hann var kominn á tíunda ár. Þá var hann tekinn í fóstur hjá föðurbróður sínum, Níelsi Hjaltalín lögréttumanni og hafnsögumanni á Hlíðarhúsum í Reykjavík.  
   Jón lærði í Skálholtsskóla og útskrifaðist úr honum 1772.
Hann var prestur víða, fyrst á Hálsi í Hamarsfirði 1777–1780, og síðan á Kálfafelli á Síðu. Þar voru hlunnindi mikil og undi Jón sér þar vel. En þá varð eldgosið mikla í Lakagígum 1783 og móðuharðindin skullu á. Hraktist hann þá frá Síðu en fékk Hvamm í Norðurárdal og lagði hart að sér til að koma þar upp bústofni en missti hann nær allan veturinn eftir. Næst var hann þrjú ár prestur í Hvammi í Norðurárdal en fékk síðan veitingu fyrir Saurbæ á Hvalfjarðarströnd 1786 og þjónaði þar í 25 ár. Hann varð síðan prestur á Breiðabólstað á Skógarströnd 1811 og dvaldi þar til æviloka.
   Jón var mikilvirkt skáld og orti til dæmis Fimmtíu og sex tíðavísur yfir árin 1779 til 1834 og eru þær merkilegar sagnfræðiheimildir.  Þá orti hann bænir og sálma, t.d. langan sálmaflokk út af Sturms hugvekjum. Einna þekktast af einstökum ljóðum hans er kvæðið Veðrahjálmur. Hann þýddi einnig og samdi ýmsar ævintýrasögur og orti 14 rímnaflokka en ekkert af þeim hefur enn verið prentað.
(Sjá einkum: Jón Oddsson Hjaltalín: Sálmar og ljóð. Reykjavík 1934, bls. 4–9; Íslenzkt skáldatal a–l. Reykjavík 1973, bls. 103–104 og Rímnatal II, Reykjavík1966, bls. 82–85).
 
   ↑ MINNA