Benedikt Gröndal Sveinbjarnarson 1826–1907

Benedikt fæddist á Eyvindarstöðum á Álftanesi, sonur Sveinbjarnar Egilssonar og konu hans, Helgu Gröndal, dóttur Benedikts Gröndals landsyfirréttardómara og skálds. Benedikt lærði í Bessastaðaskóla og nam síðan náttúrufræði og bókmenntir við Hafnarháskóla. Hann kenndi síðan nokkur ár við Lærða skólann í Reykjavík en hélt svo aftur utan og dvaldi um tíma í Þýskalandi og Belgíu. Eftir það fór hann aftur í Hafnarháskóla og lauk þaðan meistaraprófi í íslenskum fræðum fyrstur Íslendinga. Hann fluttist síðan aftur til Íslands og dvaldi   MEIRA ↲

Benedikt fæddist á Eyvindarstöðum á Álftanesi, sonur Sveinbjarnar Egilssonar og konu hans, Helgu Gröndal, dóttur Benedikts Gröndals landsyfirréttardómara og skálds. Benedikt lærði í Bessastaðaskóla og nam síðan náttúrufræði og bókmenntir við Hafnarháskóla. Hann kenndi síðan nokkur ár við Lærða skólann í Reykjavík en hélt svo aftur utan og dvaldi um tíma í Þýskalandi og Belgíu. Eftir það fór hann aftur í Hafnarháskóla og lauk þaðan meistaraprófi í íslenskum fræðum fyrstur Íslendinga. Hann fluttist síðan aftur til Íslands og dvaldi lengst af í Reykjavík og kenndi þar um nokkurra ára skeið við Lærða skólann. Benedikt var afar fjölhæfur maður. Hann var snilldar teiknari, lagði sig eftir náttúrufræði og tungumálum, var ljóðskáld í rómantískum anda og samdi leikrit og sögur. Frægasta verk hans er líklega Heljarslóðarorrusta, gamansaga um orrustuna við Solferino 1859 og ýmsa samtímaatburði aðra, erlenda sem innlenda. Söguna skrifaði hann í stíl fornaldarsagna og er fyndni hennar ekki síst fólgin í þeim fáránleika sem skapast af því.   ↑ MINNA