Aasmund Olavsson Vinje 1818–1870

Aasmund Olavsson Vinje var norskt skáld og blaðamaður. Hann var fæddur 6. apríl 1818 í Vinje á Þelamörk. Hann þótti þegar í æsku bráðgreindur en fátækt var mikil á heimilinu og ungur missti hann móður sína. Um tíma fékkst hann við kennslu en árið 1856 tók hann embættispróf í lögum í Kristjaníu. Hann var fyrstur til að yrkja og nota nýnorsku í skáldskap sínum ásamt Ivar Aasen og vikublaðið Dølen, sem Vinje stofnaði 1858 og ritstýrði til dauðadags, 1870, skrifaði hann á landsmáli sem síðar fékk nafnið nýnorska. Hann var alla tíð virkur í   MEIRA ↲

Aasmund Olavsson Vinje var norskt skáld og blaðamaður. Hann var fæddur 6. apríl 1818 í Vinje á Þelamörk. Hann þótti þegar í æsku bráðgreindur en fátækt var mikil á heimilinu og ungur missti hann móður sína. Um tíma fékkst hann við kennslu en árið 1856 tók hann embættispróf í lögum í Kristjaníu. Hann var fyrstur til að yrkja og nota nýnorsku í skáldskap sínum ásamt Ivar Aasen og vikublaðið Dølen, sem Vinje stofnaði 1858 og ritstýrði til dauðadags, 1870, skrifaði hann á landsmáli sem síðar fékk nafnið nýnorska. Hann var alla tíð virkur í pólitískum og menningarlegum skrifum sínum, barðist fyrir róttækum þjóðlegum gildum og speglast það einnig í skáldskap hans. Árið 1861 kom út eftir hann bókin Ferdaminni fraa Sumaren 1860. Þar í er meðal annars hið fræga kvæði hans „Ved Rundarne“. (Sjá þýðingu Magnúsar Ásgeirssonar: „Nú sé ég aftur –“. Vinje dó í Gran á Haðalandi 30. júlí 1870.   ↑ MINNA