Ambrosius (Aurelius Ambrosius) frá Mílanó 340–397

Heilagur Ambrosius (Aurelius Ambrosius) var fæddur um 340 í Trier (sem nú tilheyrir Þýskalandi). Hann er jafnan nefndur Ambrosius af Mílanó en hann var biskup í Mílanó á Ítalíu frá 374 til dauðadags 4. apríl 397. Han var einhver mesti baráttumaður kristinnar trúar í Rómaveldi á 4. öld og átti stóran þátt í því að gera kristni að ráðandi trúarbrögðum í ríkinu. Ambrosíus var einn af fyrstu kirkjufeðrunum sem útnefndir voru af páfa árið 1298. Hinir voru: heilagur Ágústínus, heilagur Hironymus og Gregor I páfi. Þá er Ambrosius jafnan talinn faðir   MEIRA ↲

Heilagur Ambrosius (Aurelius Ambrosius) var fæddur um 340 í Trier (sem nú tilheyrir Þýskalandi). Hann er jafnan nefndur Ambrosius af Mílanó en hann var biskup í Mílanó á Ítalíu frá 374 til dauðadags 4. apríl 397. Han var einhver mesti baráttumaður kristinnar trúar í Rómaveldi á 4. öld og átti stóran þátt í því að gera kristni að ráðandi trúarbrögðum í ríkinu. Ambrosíus var einn af fyrstu kirkjufeðrunum sem útnefndir voru af páfa árið 1298. Hinir voru: heilagur Ágústínus, heilagur Hironymus og Gregor I páfi. Þá er Ambrosius jafnan talinn faðir kirkjusöngsins í Vest-rómverska ríkinu. Nokkrir hymnar á latínu liggja eftir Ambrosíus og er Veni redemptor omnium einna frægastur þeirra. Lúther þýddi hann á þýsku: „Nun kommt der Heiden Heiland.“ Marteinn Einarsson sneri sálminum fyrstur á íslensku undir samhendum hætti (sjá: Nú kom hjálp þín, heiðin þjóð). Síðan birtist ný þýðing í Sálmabók Guðbrands 1589, „Nú kom heiðinna hjálparráð“ og má vera að Ólafur Guðmundsson í Sauðanesi eigi þá þýðingu.
   ↑ MINNA