Jón Tryggvason Ártúnum

Jón Tryggvason var fæddur í Finnstungu í Bólstaðarhlíðarhreppi, næstelstur fjögurra systkina. Foreldrar Jóns voru þau hjón Guðrún J. Jónsdóttir og Tryggvi Jónasson. Jón gekk í Bændaskólann á Hólum og dvaldi hálfan vetur í Haukadal hjá Sigurði Greipssyni. Hjá söngstjóranum, Þorsteini á Gili, var Jón til náms í orgelleik. Einnig fór Jón í nokkra tíma til Páls Ísólfssonar. Síðar stjórnaði hann Karlakór Bólstaðarhlíðarhrepps í 35 ár og lék enn lengur við kirkjuna í Bólstaðarhlíð. Hvorutveggja án launa. Og þó. Kannski eru bestu launin   MEIRA ↲

Jón Tryggvason var fæddur í Finnstungu í Bólstaðarhlíðarhreppi, næstelstur fjögurra systkina. Foreldrar Jóns voru þau hjón Guðrún J. Jónsdóttir og Tryggvi Jónasson. Jón gekk í Bændaskólann á Hólum og dvaldi hálfan vetur í Haukadal hjá Sigurði Greipssyni. Hjá söngstjóranum, Þorsteini á Gili, var Jón til náms í orgelleik. Einnig fór Jón í nokkra tíma til Páls Ísólfssonar. Síðar stjórnaði hann Karlakór Bólstaðarhlíðarhrepps í 35 ár og lék enn lengur við kirkjuna í Bólstaðarhlíð. Hvorutveggja án launa. Og þó. Kannski eru bestu launin þessi skattfrjálsu.
Hann byggði íbúðarhús með eldri bróður sínum, Jónasi, á hálflendu Finnstungu sem síðan var nefnt í Ártúnum og þar bjó Jón til æviloka. Hann tók mikinn þátt í félagsmálum sveitunga sinna og sýslunga og varð oddviti í Bólstaðarhlíðarhreppi 1961 og gegndi því starfi á þriðja áratug. Hann lést 7. mars 2007.   ↑ MINNA