Hafsteinn Stefánsson 1921–1999

Hafsteinn Stefánsson fæddist á Högnastöðum rétt utan við Eskifjörð 1921. Foreldrar hans voru Stefán Hermannsson frá Flugumýrarhvammi í Skagafirði, og kona hans, Guðrún Halldórsdóttir. Þau skildu og fluttist Hafsteinn ungur til Eskifjarðar þar sem hann ólst upp hjá móður sinni og fósturföður, Þorsteini Snorrasyni. Hafsteinn byrjaði snemma að sækja sjóinn frá Austfjörðum. Hann fluttist síðan til Vestmannaeyja 1943 þar sem hann stundaði áfram sjómennsku og einnig skipasmíðar en í þeim tók hann próf frá Iðnskóla Vestmannaeyja 1958. Kona Hafsteins   MEIRA ↲

Hafsteinn Stefánsson fæddist á Högnastöðum rétt utan við Eskifjörð 1921. Foreldrar hans voru Stefán Hermannsson frá Flugumýrarhvammi í Skagafirði, og kona hans, Guðrún Halldórsdóttir. Þau skildu og fluttist Hafsteinn ungur til Eskifjarðar þar sem hann ólst upp hjá móður sinni og fósturföður, Þorsteini Snorrasyni. Hafsteinn byrjaði snemma að sækja sjóinn frá Austfjörðum. Hann fluttist síðan til Vestmannaeyja 1943 þar sem hann stundaði áfram sjómennsku og einnig skipasmíðar en í þeim tók hann próf frá Iðnskóla Vestmannaeyja 1958. Kona Hafsteins var Guðmunda Gunnarsdóttir úr Vestmannaeyjum. Var heimili þeirra í Eyjum fram til 1973 er þau fluttu á Selfoss og bjuggu þar allt til 1998 að þau fluttu á Dvalarheimilið Ás í Hveragerði. Hafsteinn tók þátt í ýmsum félagsmálastörfum og verkalýðsmálum, var til dæmis gjaldkeri og varaformaður Alþýðusambands Suðurlands um árabil. Eftir hann komu út tvær ljóðabækur: Leyndarmál steinsins, Reykjavík 1976 og Töfrar steinsins, Reykjavík 1995.   ↑ MINNA