Skammhent eða skammhenda (létthenda, drjúgmælt, hvinhent)

Kennistrengur: 4l:[o]-x[x]:4,3,4,3:AbAb

Bragmynd:

Lýsing: Skammhent eða skammhenda (létthenda, drjúgmælt, hvinhent) er ferhendur háttur og hefur í frumlínum fjórar kveður og þrjár í síðlínum eins og í ferskeytlu en sá er munurinn að í skammhendu eru frumlínur óstýfðar og því einu atkvæði lengri en í ferskeytlu. Aftur á móti eru síðlínur skammhendu stýfðar og því einu atkvæði skemmri en síðlínur ferskeytlu. Óbreyttur er hátturinn víxlrímaður og án innríms.
Skammhenda kemur snemma fyrir í rímum innan um ferskeytt, til dæmis í Sörlarímum, sem taldar eru ortar á 14. öld, og virðist þá hafa verið talin til þess háttar. Skammhenda verður ekki sjálfstæður rímnaháttur fyrr en á 17. öld en þá er farið að kveða undir henni heilar rímur.